काठमाडौं । भारतका पूर्वराष्ट्रपति प्रणव मुखर्जीलाई पनि कोरोनाभाइरसको संक्रमण देखिएको छ । मुखर्जीले सामाजिक सञ्जाल ट्वीटमा आफूलाई कोरोना संक्रमण भएको जानकारी दिएका छन् ।
कोरोना महामारीले विश्व अर्थतन्त्र नै प्रभावित बनेको बेला यसको प्रत्यक्ष असर विश्वको सबैभन्दा ठूलो तेल कम्पनी साउदी अरामकोमा पनि परेको छ । सन् २०२० को दोस्रो त्रैमासमा साउदी अरेबियाको सरकारी तेल कम्पनी साउदी अरामकोको मुनाफा ७३ प्रतिशतले घटेको छ ।
कोभिड–१९ खोपको विश्वका सबै व्यक्तिमा पहुँच पुर्याउन कम्तीमा पनि एक खर्ब अमेरिकी डलर लाग्ने विश्व स्वास्थ्य संगठन (डब्ल्यूएचओ) ले जनाएको छ । सोमबार जेनेभाबाट भर्चुअल प्रेस सम्मेलनमा बोल्दै डब्ल्यूएचओका महानिर्देशक टेड्रोस अडानोम घेब्रियससले भने, “यो धेरै पैसा जस्तो लाग्छ र यो हो पनि ।”
काठमाडौँ । गोंगबु चोकबाट केही मिटरभित्र नवज्योती मार्गमा किरण बस्नेतको चारतले घर छ । उनलाई स्थानीयले ‘झापाली दाई’ भनेर चिन्छन् । शनिवार राती उनकै घरमा दाङका कृष्ण बहादुर बोहराको हत्या भयो ।
विश्वका चर्चित लगानीकर्ता तथा अरबपति वारेन बफेटको कम्पनीको नाफा उल्लेख्य रुपमा वृद्धि भएको छ । कोरोना भाइरसको महामारीले विश्व अर्थतन्त्रमा मन्दी छाएका बेला वफेटको कम्पनी हाथवे इंकको अप्रिल–जून त्रैमासको नाफा ८७ प्रतिशतले बढेको हो ।
काठमाडौं । नेपाल विद्युत प्राधिकरणले स्मार्ट मिटर जडान सुरु गरेको छ। घरायसी ग्राहकको घरमा रहेका सिंगल फेज मिटर हटाएर स्मार्ट मिटर जडान आजदेखि शुरु भएको छ ।
काठमाडौं । उपत्यका नगरपालिका फोरमले कोभिङ–१९ संकट व्यवस्थापन केन्द्र (सीसीएमसी)का संयोजक समेत रहेका उपप्रधानमन्त्री तथा रक्षामन्त्री ईश्वर पोखरेलसँग आज रक्षा मन्त्रालयमा छलफल गरेको छ ।
काठमाडौं । भारतबाट गत माघमा रेल सेट ल्याउने तयारी भए पनि कोभिड–१९ का कारण ढिलाइ भएको छ । भारतबाट ल्याइएको सेट सीमामा रोकिएको रेल विभागले जनाएको छ । सरकारले खरिद गरेको सो रेल सेट सीमामा आइसकेर पनि नेपाल ल्याउन नसकिएको विभागका महानिर्देशक बलराम मिश्रले बताए ।
चीनमा गत जुलाई महिनाको अन्त्यसम्ममा कुल १ लाख ४१ हजार ४०० किलोमिटर रेलसेवाको सञ्जाल विस्तार भएको छ । सिन्ह्वाका अनुसार राष्ट्रिय रेलवे कर्पोरेसनका अनुसार उक्त सञ्जालमध्ये देशभर ३६ हजार किलोमिटर उच्च गतिको रेलसेवा रहेको छ ।
काठमाडौं । पछिल्लो २४ घण्टामा देशभर ३३८ जना कोरोना संक्रमित थपिएका छन् । योसँगै देशभर कोरोना संक्रमितको कुल संख्या २३ हजार ३१० पुगेको सोमबारको नियमित प्रेस ब्रिफिङमा स्वास्थ्य मन्त्रालयका प्रवक्ता डा जागेश्वर गौतमले जानकारी दिए ।
