नाइमा एक्स्पो २०२६: बजार तताउन तयार यी हुन् ४ नयाँ ईभी मोडल !

काठमाडौँ। नेपालको अटोमोबाइल क्षेत्रकै सर्वाधिक पर्खाइमा रहेको नाइमा नेपाल मोबिलिटी एक्स्पो २०२६ (NAIMA Mobility Expo 2026) काठमाडौँको भृकुटीमण्डपमा भव्य रूपमा सञ्चालन भइरहेको छ। ५५ भन्दा बढी अन्तर्राष्ट्रिय ब्रान्ड र ४० भन्दा बढी नयाँ गाडीहरूको सार्वजनिक प्रदर्शनीले एक्स्पोलाई ईभीमय बनाएको छ।

विशेष गरी सहरी यात्रा, आकर्षक डिजाइन, लामो रेन्ज र अत्याधुनिक प्रविधिलाई ध्यानमा राखेर भित्र्याइएका ४ मुख्य ईभी मोडलहरूले नेपाली ग्राहक र ईभीप्रेमीहरूको ध्यान खिच्न सफल भएका छन्:

१. चेरी क्यूक्यू३ (Chery QQ3 / Chery Q EV)

पायोनियर मोटोकर्पले नेपाली बजारमा भित्र्याएको चेरी क्यूक्यू३ ले आफ्नो आधुनिक प्रिमियम लुक्सका कारण एक्स्पोमा ठूलो चर्चा पाएको छ।

पावर/मोटर: ९० kW (रियर-ह्वील ड्राइभ)

ब्याट्री: ४१.२ kWh

मुख्य आकर्षण: सहरी चालकहरूका लागि उपयुक्त यो मोडलमा सुरक्षाका लागि लेभल-२ एडास (Level-2 ADAS), ठूलो टचस्क्रीन र आधुनिक सेफ्टी फिचरहरू समावेश छन्।

२. लिपमोटर बी०३ (Leapmotor B03 / B03X)

साङ्ग्रिला मोटर्सले नेपाल ल्याएको लिपमोटर बी०३ (B03X) ले एक्स्पोमा ‘भ्यालु फर मनी’ ईभीको रूपमा बलियो उपस्थिति जनाएको छ।

मोटर/टर्क: १०० kW मोटर र २०० Nm टर्क

ब्याट्री भेरियन्ट: ३९.८ kWh र ५३ kWh विकल्प

मुख्य आकर्षण: स्टेलान्टिस (Stellantis) समूहको साझेदारीमा बनेको यो ईभीमा १४.६-इन्चको २.५K टचस्क्रीन, ५१० लिटरको बुट स्पेस र अत्याधुनिक ड्राइभिङ असिस्टेन्ट प्रविधि रहेको छ।

३. डब्ल्यूलिङ एक्साइटन ईभी (Wuling Eksion EV)

प्यारामौन्ट मोटर्सले एक्स्पोमा सार्वजनिक गरेको डब्ल्यूलिङ एक्साइटन ईभी पारिवारिक यात्रा र लामो दूरीका लागि निकै उपयुक्त मानिएको छ।

मोटर क्षमता: १५० kW मोटर (३१० Nm टर्क)

ब्याट्री क्षमता: ६९.२ kWh LFP ब्याट्री (५३० किमीसम्मको रेन्ज)

मुख्य आकर्षण: ५ वा ७ सिटर लचिलो सिटिङ विकल्प, ५४० लिटरदेखि २,९१६ लिटरसम्म विस्तार गर्न सकिने बुट स्पेस, र २० मिनेटमै ३० देखि ८० प्रतिशतसम्म फास्ट चार्ज हुने प्रविधि।

४. बाल्क अर्कफक्स टी१ (BAIC Arcfox T1)

लक्ष्मी ई-मोबिलिटीले नेपाल भित्र्याएको अर्कफक्स टी१ ले प्रिमियम कम्प्याक्ट क्रसओभर सेगमेन्टमा नयाँ मापदण्ड कायम गरेको छ।

मोटर/टर्क: ९५ kW मोटर (१७६ Nm टर्क)

ब्याट्री र रेन्ज: ४२.३ kWh LFP ब्याट्री (४२५ किमीसम्मको CLTC रेन्ज)

मुख्य आकर्षण: २,७५० mm को लामो ह्वीलबेस, प्रिमियम इन्टेरियर, र C-NCAP सेफ्टी मापदण्डमा आधारित लेभल-२ एडास (ADAS) प्रविधि।

BYD, Dongfeng Nammi र Proton जस्ता ब्रान्डहरूले पहिले नै वर्चस्व जमाएको यो सेगमेन्टमा यी नयाँ ईभीहरूको आगमनले नेपाली ग्राहकहरूलाई उच्च प्रविधि, आकर्षक रेन्ज र प्रतिस्पर्धी मूल्यमा थप उत्कृष्ट विकल्पहरू उपलब्ध गराएको छ।