मध्य ताराखोला हाईड्रोपावरले आईपीओ निष्काशन गर्ने

काठमाडौं । मध्य ताराखोला हाईड्रोपावर कम्पनीले सर्वसाधारणका लागि आईपीओ निष्काशन गर्ने भएको छ । कम्पनीले आईपीओ निष्काशन गर्ने प्रस्ताव सहित वार्षिक साधारण सभा आव्हान गरेको छ ।

कम्पनीले सभा असार २४ गते कम्पनी रजिष्टर्डको कार्यालय बाग्लुङमा बिहान ११ बजे डाकेको हो ।

सभामा कम्पनीको आईपीओ निष्काशन गर्ने र यस सम्बन्धमा नियमनकारी निकायबाट कुनै आवश्यक संशोधन तथा परिमार्जन गर्न निर्देशन भएमा सोही बमोजिम गर्न सञ्चालक समितिलाई अख्तिदयारी प्रदान गर्ने विशेष प्रस्तावहरु पारित गरिनेछ ।

साथै, सभामा सञ्चालक समितिका तर्फबट अध्यक्षले प्रस्तुत गर्ने गत आवको वार्षिक प्रतिवेदनमाथि छलफल गरी पारित गर्ने र चालु आवका लागि लेखापरीक्षकको नियुक्ती तथा निजको पारिश्रमिक निर्धारण गर्ने प्रस्तावहरु समेत अनुमोदन गर्ने एजेण्डा समेत रहेको छ ।