शनिबार र आइतबार सरकारी बिदा दिने मन्त्रिपरिषद् बैठककाे निर्णय, अब ९ बजेदेखि कार्यालय खुल्ने

काठमाडौँ । सरकारले शनिबार र आइतबार सार्वजनिक बिदा दिने निर्णय गरेको छ । आइतबार बसेको मन्त्रिपरिषद् बैठकले यस्तो निर्णय गरेको हो ।

पेट्रोलियम पदार्थको आपूर्तिमा देखिएको समस्या समाधान गर्न सरकारले दुई दिन बिदा दिने निर्णय गरेकाे हाे । चैत २३ गतेदेखि लागू हुने गरी सरकारी कार्यालय तथा सम्पूर्ण सरकारी संस्थाहरुमा शनिबार र आइतबार दिने निर्णय भएको सरकारका प्रवक्ता तथा शिक्षामन्त्री सस्मित पाेखरेलले बताए ।

कार्यालय समय भने ९ बजेदेखि ५ बजेसम्म रहने व्यवस्था गरिएको हो ।