‘स्वास्थ्य बीमालाई राष्ट्रिय गौरवको योजनामा अघि सार्छौं’
काठमाडौं । नेपाली कांग्रेसका सभापति गगन थापाले स्वास्थ्य बीमालाई राष्ट्रिय गौरवको योजनाका रूपमा अघि सार्ने उद्घोष गरेका छन् । नेपालको स्वास्थ्य समस्या समाधान गर्ने एकमात्र उपाय बीमा रहेको बताएका हुन् ।
आइतबार एक भिडिओ वक्तव्य जारी गर्दै सभापति थापाले भएकाले कांग्रेसले सरकार बनाउँदा त्यसलाई प्रभावकारी बनाएर अघि बढ्ने आफ्नो मूल प्रतिबद्धता रहेको बताएका छन् ।
नेपाली कांगे्रसले जिम्मेवारी पाउँदा स्वास्थ्य बीमाको कार्यक्रमलाई राष्ट्रिय गौरवको कार्यक्रम बनाउने बताएका छन् । उनले भने,‘ स्वास्थ्य बीमा सुरु गर्दा आफू स्वास्थ्य मन्त्री रहेको स्मरण गर्दै थापाले धेरै बिरामीलाई भेटेर समस्या बुझेपछि यो योजना अघि सारिएको हो ।’ आफुले मान्छेहरु भेट्दा उपचार गर्दागर्दै आफ्नो धनसम्पत्ति देखेको र बल्लबल्ल मिहिनेत गरेर गरिबीबाट बाहिर निस्किएको छ, परिवारको कुनै सदस्यलाई रोग लाग्यो, घरखेत जाने स्थिति बनेको छ । त्यसकारणले पनि स्वास्थ्य बीमा आवश्यक छ ।
विश्व स्वास्थ्य संगठन(डब्लुएचओ)को अवधारणा बुझ्ने कोसिस गरिएको पनि उनले बताए । ‘उसले के भन्दो रहेछ भने–एउटा नागरिकले आफ्नो खल्तीबाट कति खर्च गर्छ, त्यसको आधारमा राज्यले आफ्नो भूमिका निर्वाह गरेको छ कि छैन ? सामान्यतयाः २० प्रतिशत राज्यले खर्च गरेको हुनुपर्छ । हाम्रो सन्दर्भमा ५७ प्रतिशत देखाउँछ,’ उनले भिडियोमा भनेका छन् ।’
