ट्रम्पद्वारा इरानसँग व्यापार गर्ने देशहरूमाथि २५ प्रतिशत भन्सार शुल्क लगाउने घोषणा

काठमाडौं । अमेरिकी राष्ट्रपति डोनाल्ड ट्रम्पले इरानसँग व्यापारिक सम्बन्ध कायम राख्ने कुनैपनि मुलुकले अमेरिकासँगको व्यापारमा २५ प्रतिशत भन्सार शुल्क तिर्नुपर्ने घोषणा गरेका छन् । सोमवार आफ्नो सामाजिक सञ्जाल ट्रुथ सोसलमार्फत यस निर्णयको सार्वजनिक गर्दै ट्रम्पले यो आदेश तत्काल प्रभावकारी हुने र यो नै अन्तिम तथा निर्णायक कदम भएको बताए ।

इरानमाथि वासिङ्टनको आर्थिक दबाब बढाउने शृङ्खलाको यो पछिल्लो कडी हो । ट्रम्पले आफ्नो प्रशासनले इरानविरुद्ध सैन्य कारबाहीसहितका अत्यन्तै कडा विकल्पहरू माथि विचार गरिरहेको भन्दै बारम्बार चेतावनी दिँदै आएका छन् ।

यो नयाँ घोषणाले इरानसँग आर्थिक कारोबार गरिरहेका विश्वका अन्य मुलुकहरूलाई समेत दबाबमा पारेको छ ।