सामसङ र एनसेलबीच सहकार्य, दशैं अफरमा टिभी, फ्रिज र वासिङ मेसिनमा ३१ प्रतिशतसम्म छुट
काठमाडौं । सामसङ नेपाल र एनसेलले एनसेलका ग्राहकलाई लक्षित गर्दै दशैं विशेष अफर ल्याउन समझदारीपत्रमा हस्ताक्षर गरेका छन्। यस सहकार्यअन्तर्गत ग्राहकले छानिएका सामसङका टेलिभिजन, फ्रिज र वासिङ मेसिन खरिदमा ३१ प्रतिशतसम्मको कुल लाभ प्राप्त गर्न सक्नेछन्।
यस योजनामार्फत एनसेलका ग्राहकले सामसङको जारी चाडपर्व अफरमा थप १२ प्रतिशतसम्म छुट पाउनेछन्। यसले योग्य उत्पादनमा उपलब्ध कुल अफर लाभ ३१ प्रतिशतसम्म पुर्याउने कम्पनीहरूले जनाएका छन्।
चाडपर्वको समयमा घरायसी उपकरण तथा मनोरञ्जनका सामग्री अपग्रेड गर्न चाहने ग्राहकलाई थप सुविधा उपलब्ध गराउने उद्देश्यले दुई कम्पनीबीच सहकार्य गरिएको हो। यसले ग्राहकलाई नयाँ टेलिभिजन, फ्रिज तथा वासिङ मेसिन खरिद गर्दा आर्थिक लाभ लिन सहज बनाउने अपेक्षा गरिएको छ।
एनसेल एपबाटै छुटको जानकारी र अफर कोड
यो अफरअन्तर्गत एनसेलका ग्राहकले एनसेल एपको ‘पार्टनर्ड सर्भिसेज’ खण्डमा गएर आफूले प्राप्त गर्न सक्ने छुटको विवरण हेर्न सक्नेछन्। एनसेल प्याकमा गर्ने खर्चका आधारमा ग्राहकले आफूलाई लागू हुने उत्पादनमा छुटसहितको छुट्टाछुट्टै अफर प्राप्त गर्ने व्यवस्था गरिएको छ।
ग्राहकले एपमार्फत आफ्नो अफरको विवरण हेरेपछि अफर कोड लिन सक्नेछन्। त्यसपछि उक्त कोड प्रयोग गरी नजिकैको सहभागी सामसङ आधिकारिक डिलरबाट आफूले चाहेको योग्य उत्पादन खरिद गर्न सकिनेछ।
कम्पनीहरूका अनुसार यस सहकार्यले सामसङको चाडपर्व अभियान ‘स्मार्ट अपग्रेड घरमा, लक्की सरप्राइज चाडमा!’ लाई थप आकर्षक बनाएको छ। यसबाट ग्राहकले घरायसी उपकरण खरिदमा अतिरिक्त छुट प्राप्त गर्नुका साथै चाडपर्वमा घरको सुविधा र मनोरञ्जनका साधन स्तरोन्नति गर्ने अवसर पाउनेछन्।
नोभेम्बर १६ सम्म अफर लागू हुने
सामसङ र एनसेलबीचको यो विशेष अफर सन् २०२६ अक्टोबर ८ देखि नोभेम्बर १६ सम्म लागू हुनेछ। अफर छानिएका सामसङ टिभी, फ्रिज र वासिङ मेसिनमा मात्र उपलब्ध हुनेछ भने लागू हुने छुट तथा अन्य सुविधा सम्बन्धित सर्त र नियमअनुसार निर्धारण गरिनेछ।
आफ्नो नजिकैको सहभागी सामसङ स्टोरबारे जानकारी लिन ग्राहकले टोल फ्री नम्बर १६६००१७२६६७ वा ९८०१५७२६६७ मा सम्पर्क गर्न सक्नेछन्।
यस सहकार्यबाट सामसङले आफ्ना घरायसी उपकरणलाई थप ग्राहकसम्म पुर्याउने र एनसेलले आफ्ना ग्राहकलाई चाडपर्वको अवसरमा अतिरिक्त लाभ उपलब्ध गराउने लक्ष्य राखेका छन्।
