करिना पुरी : नेपालको गौरव, विश्वमञ्चमा चम्किँदै

फिफा एन्टी–डोपिङ कार्यक्रममा विश्वका शीर्ष २८ मध्ये छनोट, नेपालको इतिहासमा पहिलो नेपाली खेलाडी

काठमाडौं । नेपालको खेलकुद इतिहासमा आज एउटा ऐतिहासिक क्षण। बहुआयामिक प्रतिभा धनी सुश्री करिना पुरी विश्वका मात्र २८ उत्कृष्ट खेल/एन्टी–डोपिङ विशेषज्ञहरू मध्ये छनोट भई प्रतिष्ठित FIFA Executive Programme in Anti-Doping मा सहभागी हुन गएकी छन्।

करिनाको उपलब्धि साँच्चै अद्वितीय र प्रेरणादायी छ। फुटबल, कराते, क्रिकेट र कानून — यति बहुआयामिक प्रतिभा विश्वमा विरलै पाइन्छ। उनी दुई पटककी एशियाली कराते च्याम्पियन, राष्ट्रिय प्रशिक्षक र रेफ्री, एशियन स्तरकी कराते रेफ्री, राष्ट्रिय आत्मरक्षा प्रशिक्षक, संकटा फुटबल क्लब की खेलाडी, ग्रेट हिमालय क्रिकेट एकेडेमी मा अभ्यासरत क्रिकेटर, र BALLB डिग्री सम्पन्न विधिविद् हुन्।

यो उपलब्धि अझ विशेष र गौरवपूर्ण तब बनिन्छ जब विचार गरिन्छ कि नेपालमा अझै पनि प्रभावकारी एन्टी–डोपिङ संरचना छैन। संसद्ले २०१० मा युनेस्को कन्वेन्सन पास गरेको भए पनि, देशमा सुसंगठित एन्टी–डोपिङ कार्यकारी इकाई अझै स्थापना भएको छैन। विश्वभर केवल थोरै देशहरूमा मात्र यस्तो अवस्था छ, र त्यही देशबाट उच्चस्तरीय फिफा कार्यक्रममा चयन हुनु आफैंमा ठूलो उपलब्धि हो।

नेपालमा हालसम्म धेरै डोपिङ प्रकरणहरू कभर अप भइरहेका छन्। जस्तै, वेटलिफ्टिङमा भरतोलनका ५ खेलाडीको डोपिङ प्रकरण, पोखरा नेशनल गेम्समा पोजेटिभ डोपिङ केसहरू — यी घटनाहरूले स्पष्ट देखाउँछन् कि देशमा अझै प्रभावकारी निगरानी र कार्यान्वयनको आवश्यकता छ।

यस्तो परिस्थितिमा करिनाको चयनले नेपाललाई विश्व खेल–सदाचार र अन्तर्राष्ट्रिय स्तरमा प्रतिष्ठा स्थापित गर्ने महत्वपूर्ण अवसर प्रदान गरेको छ।
उनको बहुआयामिक प्रतिभा, अनुशासन, र अन्तर्राष्ट्रिय दक्षता नेपालका युवाहरूको प्रेरणा स्रोत बन्नेछ। फुटबल, कराते, क्रिकेट र कानुनमा उनी एक सच्चा बहुआयामिक रत्न हुन् — जसरी विश्वले कमै देखेको छ।