सुनको मूल्यमा दैनिक नयाँ रेकर्ड
काठमाडौँ । नेपाली बजारमा सुन तथा चाँदीको मूल्य निरन्तर बढ्दै दैनिक नयाँ रेकर्ड कायम गरिरहेको छ । विश्व बजारमा सुनको मूल्य वृद्धि हुनु र अमेरिकी डलरको तुलनामा नेपाली मुद्रा कमजोर बन्दै जानु मुख्य कारणका रुपमा देखिएको छ ।
अमेरिकी डलरसँग स्थिर विनिमय दर रहेको नेपाली मुद्रा भारतीय रुपैयाँ कमजोर हुँदै जाँदा अप्रत्यक्ष रुपमा दबाबमा परेको जानकारहरु बताउँछन्। जसका कारण डलर महँगिँदै गएको र सुन आयात खर्चिलो बन्दा घरेलु बजारमा सुनको भाउ तीव्र रुपमा बढेको हो।
नेपाल सुनचाँदी व्यवायीका अनुसार मंगलबारसुनको मूल्य तोलाकै ३ लाख ९ हजार ३ सय रुपैयाँ पुगेको छ । जुन हालसम्म कै उच्च हो । नेपाल सुन चाँदी व्यवसायी महासंघका अनुसार मंगलबार तोलामा ३ सय रुपैयाँले वृद्धि भएको हो । सोमबार सुन प्रतितोला ३ लाख ९ हजार रुपैयाँमा कारोबार भएको थियो ।
चाँदी प्रतितोला १०५ रुपैयाँले बढेको छ । सोमबार ६ हजार ७ सय ६५ रुपैयाँमा कारोबार भएको चाँदी मंगलबार ६ हजार ८ सय ७० रुपैयाँ पुगेको छ । चाँदीको मूल्य पनि हालसम्मकै उच्च हो ।
