हर्क साम्पाङले पाए दल दर्ताको प्रमाणपत्र
काठमाडौंं । निर्वाचन आयोगले धरान उपमहानगरपालिकाका प्रमुख हर्क साम्पाङ नेतृत्वको नयाँ राजनीतिक दल श्रम संस्कृति पार्टीलाई दल दर्ताको प्रमाणपत्र प्रदान गरेको छ ।
आयोगले राजनीतिक दलसम्बन्धी ऐन, २०७३ को दफा ४ र ५ अनुसार उक्त पार्टीलाई दल दर्ताको प्रमाणपत्र आज प्रदान गरेको हो । आयोगका अनुसार जेन जी आन्दोलनपछि आयोगमा सातवटा नयाँ दलले दर्ताका लागि आवेदन गरेकामा साम्पाङ नेतृत्वको पार्टीले सबैभन्दा पहिले प्रमाणपत्र प्राप्त गरेको हो । आयोगमा १२५ दलको दर्ता कायम छ ।
दल दर्ताको प्रमाणपत्र प्राप्त गरेपछि साम्पाङले भने, ‘हामीले २८ सदस्यीय कार्यसमिति बनाएका छौं, हामी देशका लागि काम गरेर देखाउँछौं । देश र जनताप्रति हामी इमानदार छौं ।’
