मेरो खुकुरी र न्युडको ‘जस्ट बी यु’ क्याम्पेनले फ्लेम अवाड्र्स एसिया २०२६ मा चार प्रमुख सम्मान
काठमाडौं। नेपाल डिस्टिलरिज प्रा.लि. (एनडीपीएल)ले नेपाली ब्रान्ड निर्माण र सिर्जनशीलताको यात्रामा महत्वपूर्ण उपलब्धि हासिल गर्दै फ्लेम अवाड्र्स एसिया २०२६ मा चार प्रमुख सम्मान जितेको छ। यी सम्मानमा दुई स्वर्ण, एक रजत र प्रतिष्ठित दक्षिण एसिया ग्रान्ड प्रिक्स समावेश छन्।
यी अवार्डहरू भारतको नयाँ दिल्लीमा आयोजित फ्लेम अवाड्र्स एसिया २०२६ समारोहमा प्रदान गरिएको हो। दक्षिण एसियाभरका अनुभवात्मक मार्केटिङ, ब्रान्ड सक्रियता, उपभोक्ता संलग्नता तथा नवीनताका क्षेत्रमा उत्कृष्ट कामलाई सम्मान गर्ने यस अवार्डमा एनडीपीएलका दुई प्रमुख ब्रान्डका अभियानले उल्लेखनीय सफलता हासिल गरेका हुन्। यी अभियानहरूको सिर्जनात्मक एजेन्सी आउटरीच नेपाल रहेको छ।
अवार्ड जितेका अभियानहरूः
- स्वर्ण- दक्षिण एसिया इमर्जिङ मार्केट अभियानः मेरो खुकुरी
- स्वर्ण – दक्षिण एसिया लास्ट-माइल इनोभेसनः मेरो खुकुरी
- दक्षिण एसिया ग्रान्ड प्रिक्सः न्युड ‘जस्ट बी यु’
- रजत- दक्षिण एसिया स्मल बजेट क्याम्पेनः पोखरा फ्ल्यास मोब
यस सफलताको केन्द्रमा रहेको मेरो खुकुरी अभियान पुस्तौंदेखि उपभोक्ताहरूले कायम राख्दै आएको ब्रान्डसँगको गहिरो सम्बन्धमा आधारित थियो। मेरो खुकुरीले यही सम्बन्धलाई अपनत्व र आफ्नोपनको सशक्त अभिव्यक्तिमा रूपान्तरण गर्दै उपभोक्तालाई ब्रान्डको कथाको केन्द्रमा राख्यो।
यस अभियानले दुई स्वर्ण अवार्ड जितेको छ। यी सम्मानले उपभोक्तालाई बुझ्ने सशक्त अन्तर्दृष्टि र प्रभावशाली ब्रान्ड अवधारणालाई अर्थपूर्ण सहभागिता तथा संलग्नतामा रूपान्तरण गर्न सक्ने अभियानको क्षमतालाई मान्यता दिएको छ।
उक्त समारोहको सबैभन्दा ठूलो सम्मान न्युडको ‘जस्ट बी यु’ अभियानले दक्षिण एसिया ग्रान्ड प्रिक्स जित्दै प्राप्त गरेको हो। व्यक्तिगत पहिचान, प्रामाणिकता र आत्म अभिव्यक्तिको अवधारणामा आधारित ‘जस्ट बी यु’ले स्पष्ट ब्रान्ड विश्वासलाई साहसी र सांस्कृतिक रूपमा सान्दर्भिक सञ्चारमा रूपान्तरण गर्दा त्यसले पार्न सक्ने प्रभावलाई प्रस्तुत गरेको छ।
यस उपलब्धिमा थप योगदान गर्दै पोखरा फ्ल्यास मोबले ‘स्मल बजेट क्याम्पेन-दक्षिण एसिया’ विधामा रजत अवार्ड प्राप्त गरेको छ। यस अभियानले ठूलो प्रभाव सिर्जना गर्न सधैं ठूलो लगानी आवश्यक नपर्ने प्रमाणित गरेको छ। सशक्त स्थानीय बुझाइ, सिर्जनशीलता र प्रभावकारी कार्यान्वयनका कारण यस सक्रियताले आफ्नो बजेटको सीमाभन्दा धेरै ठूलो प्रभाव सिर्जना गर्न सफल भएको हो।
यो सम्मानले नेपाल डिस्टिलरिज र आउटरीच नेपालबीचको सिर्जनात्मक साझेदारीलाई पनि उजागर गरेको छ। यस साझेदारीमार्फत ब्रान्ड रणनीति, उपभोक्ता अन्तर्दृष्टि, सिर्जनशीलता र कार्यान्वयनलाई एकसाथ जोड्दै नेपालमा जरा गाडिएका, तर क्षेत्रीय मञ्चमा प्रतिस्पर्धा गर्न सक्ने सिर्जनात्मक कामहरू निर्माण भएका छन्।
नेपाल डिस्टिलरिजका लागि यी चार अवार्ड केवल अवार्डको संख्या मात्र होइनन्। यी उपलब्धिले नेपालमै जन्मिएका, नेपाली उपभोक्ताबाट प्रेरित र सिर्जनशीलता तथा दृढ विश्वासका साथ कार्यान्वयन गरिएका विचारहरूले दक्षिण एसियाका उत्कृष्ट कामहरूमाझ आफ्नो स्थान बनाउन सक्छन् भन्ने विश्वासलाई अझ बलियो बनाएका छन्।
