अराजक गतिविधि गर्न अभिव्यक्ति दिएको आरोपमा दुर्गा प्रसाईं पक्राउ

काठमाडौं । जिल्ला प्रहरी परिसर काठमाडौं र काठमाडौं उपत्यका अपराध अनुसन्धान कार्यालयको टोलीले सोमबार मध्यरातमा भक्तपुरस्थित निवासबाट दुर्गा प्रसाईं पक्राउ गरेका छन्।

निवासमा प्रवेश गरी उनलाई प्रक्रिया पूरा गरेर नियन्त्रणमा लिई जिल्ला प्रहरी परिसर काठमाडौँमा ल्याइएको एक प्रहरी अधिकृतले जानकारी दिए। हिंसा भड्किने गरी अराजक गतिविधि गर्न अभिव्यक्ति दिएको आरोपमा उनलाई पक्राउ गरिएको स्रोतले जानकारी दिएको छ।