सबै विद्यालयलाई आश्रयस्थलको रुपमा प्रयोग गर्न शिक्षा मन्त्रालयको निर्देशन

काठमाडौं । शिक्षा मन्त्रालयले बाढी, डुबान र भू-क्षय लगायतले प्रभावितहरुका लागि आपतकालीन आश्रयस्थलको रुपमा प्रयोग गर्न सबै विद्यालयहरुलाई अनुरोध गरेको छ ।

मन्त्रालय अन्तर्गतको शिक्षा तथा मानव स्रोत विकास केन्द्रले शनिबार विज्ञप्ति जारी गर्दै समुदायलाई तत्काल राहत तथा सुरक्षाको आवश्यकता पर्ने देखिएमा विद्यालयहरूलाई आपतकालीन आश्रयस्थलको रूपमा प्रयोग गर्न र विद्यालयका प्रधानध्यापक तथा शिक्षकहरू आफू सुरक्षित रही स्थानीय तह, सुरक्षा निकाय र समुदायसँगको समन्वयमा राहत, उद्धार तथा विपद् व्यवस्थापन कार्यमा जुट्न अनुरोध गरेको हो ।