आज महाशिवरात्रि : देशभरका शिवालयमा बिहानैदेखि दर्शनार्थीको घुइँचो
![Pashupatinath Temple Pashupatinath Temple](https://www.arthikpati.com/wp-content/uploads/2024/03/Pashupatinath-Temple-745x445.png)
काठमाडौं । प्रत्येक वर्ष फागुन कृष्ण चतुर्दशी मध्यरातमा परेका दिन मनाइने महाशिवरात्रि पर्व आराध्यदेव भगवान् शिवको पूजा–आराधना गरी आज देशभर मनाइँदैछ । वैदिक सनातन हिन्दु धर्मावलम्बीहरु आज बिहानैदेखि नदी, कुण्ड र तलाउमा स्नान गरी शिवालयमा गई श्रद्धाभक्तिपूर्वक पूजा–आराधना गर्दछन् ।
![](https://www.nepalpress.com/wp-content/uploads/2024/03/mahashivaratri-80_2.jpg)
शिवजी उत्पत्ति हुनुभएको रातका नामबाट नामकरण भएको यो पर्व कालरात्रि, मोहरात्रि, सुखरात्रि र शिवरात्रि नामक चार प्रमुख रात्रिमध्ये एक पवित्र पर्वका रूपमा शिव पुराणलगायत ग्रन्थमा उल्लेखित छ । शिवको पूजा गर्नेहरुको आज बिहानैदेखि काठमाडौंको पशुपतिनाथ, ललितपुरको कुम्भेश्वर, भक्तपुरको डोलेश्वर लगायतका मन्दिरहरुमा दर्शनार्थीहरुको घुइँचो छ ।
![](https://adminapi.nepalipaisa.com/assets/uploads/news/image/news_bltm4amb21h.jpg)
![](https://adminapi.nepalipaisa.com/assets/uploads/news/image/news_zwoil4aspbh.jpg)