सनराइज फर्स्ट म्युचुअल फन्डको नगद लाभांश सुरक्षित गर्ने आज अन्तिम दिन |

काठमाडौँ । सनराइज फर्स्ट म्युचुअल फन्डको १२% नगद लाभांश सुरक्षित गर्ने आज मंगलबार (भदौ २८ गते) अन्तिम दिन हो । नगद लाभांश वितरण प्रयोजनको लागि फन्डले बुधबार (भदौ २९ गते) बुक क्लोज गर्दैछ ।

तसर्थ, आजसम्म कायम इकाइधनीले फन्डले घोषणा गरेको नगद लाभांश पाउनेछन् । फन्डले आर्थिक वर्ष २०७८–७९ को नाफाबाट १२% नगद लाभांश (प्रतिफल) घोषणा गरिसकेको छ । यसआधारमा फन्डले नगद लाभांशमा १० करोड ३२ लाख रुपैयाँ खर्च गर्नेछ । यस फन्डलाई सनराइज बैंकले प्रवर्द्धन गरेको छ ।