पीअर्सनले बेलायतमा काम, अध्ययन वा बसोबासका लागि आवेदन गर्नेका अंग्रेजी भाषाको परीक्षण शुरू गर्दै |
लन्डन । विश्वको सिकाई कम्पनी पीअर्सनले बेलायतमा काम गर्न वा बस्न वा अध्ययन गर्न खोजिरहेका व्यक्तिहरूलाई यस कदमको तयारीका लागि मद्दत गर्न अब विश्वव्यापी स्थानहरूमा पीटीई परीक्षण बुक गर्न सकिने घोषणा गरेको छ ।
युके सरकारले पीअर्सनलाई बुकिंग खोल्न र चीन लगायत प्रारम्भिक २० स्थानहरुमा युके भिसा र आप्रवासन (युकेभीआई) को लागी सुरक्षित अंग्रेजी भाषा टेस्ट (सेल्ट) प्रदान गर्न अनुमोदन गरेको छ । बुकिंग सबै २० स्थानहरूमा लिन सकिन्छ, ११ स्थानहरू परीक्षणको लागि खोल्न सकिन्छ, र बाँकी ९ वटा खोल्नका लागि एक पटक व्यक्तिगत कोभिड—१९ प्रतिबन्धहरू हट्नु पर्नेछ ।
यो आशा गरिएको छ कि बेलायत सहित बाँकी सबै सेल्ट परीक्षण स्थानहरू यस गर्मीको याममा चरणहरू अनुसार सञ्चालन हुने छन ।
परीक्षण पीअर्सन भीयूई परीक्षण केन्द्र सञ्जालको माध्यमबाट वितरित गरिनेछ । सबै अपरेटिंग टेस्ट केन्द्रहरूले कोभिड—१९ को फैलावट रोक्नको लागि सामाजिक दूरी सहित, परीक्षण लिनेहरू र कर्मचारीहरूको सुरक्षालाई समर्थन गर्न सार्वजनिक स्वास्थ्य अधिकारीहरूबाट प्राप्त निर्देशन र सूचनाहरूको पालना गर्न जारी राख्नेछौं ।
यो समाचार यस्तो बेला आउँछ जब धेरै परीक्षण लिनेहरू कोभिड—१९ प्रतिबन्धको कारण परीक्षा केन्द्र जान असमर्थ छन् । पीअर्सनका इङग्लिस एसेसमेन्टका वरिष्ठ उपाध्यक्ष फ्रेया थोमस मङ्कले भने, “मलाई खुशी लाग्यो कि अब हामी युकेभीआई उद्देश्यका लागि केही स्थानमा पीटीई प्रस्ताव गर्न सक्छौं ।”
“यसको मतलब मानिसहरु बेलायतमा अध्ययन गर्न, काम गर्न वा बस्न आउँने तयार गरिरहँदा उनीहरु पीटीई बुक गर्न शुरु गर्न सक्दछ, र केहि मामलाहरुमा पीटीई लिन पनि सक्छन् ।”
“उनीहरूले त्यसो गर्नु अघि हामी परीक्षण लिनेहरूलाई सबै प्रासंगिक यात्रा प्रतिबन्धहरू ,स्वास्थ्य र सुरक्षा आवश्यकताहरू जाँच गर्न सल्लाह दिन्छौं ।”
डा. ग्यारी ए गेट्स, पीअर्सन भीयुईका वरिष्ठ उपाध्यक्षले भने, “हामी हाम्रो विश्वव्यापी परीक्षण केन्द्र नेटवर्क भरमा सुरक्षित अंग्रेजी भाषा टेस्ट प्रदान शुरू गर्न पाउँदा खुसी छौं । पूर्ण डिजिटल परीक्षणले विश्वव्यापी टेस्ट लिनेहरूको एआई टेक्नोलोजीद्वारा अंग्रेजी भाषा प्रवीणताको निष्पक्ष र अत्यधिक सटीक परीक्षण प्रस्ताव गर्दछ ।”
पिअरसनको सेल्ट परीक्षणहरू आप्रवासन आवश्यकताहरूमा केन्द्रित छन् र विवरणहरू निम्न अनुसार रहेका छन्
पीटीई एकेडेमिक (युकेभीई) — यो काम र अध्ययन भिसाका लागि स्वीकारिएको चार कौशल भाषा परीक्षा हो । यसले बोल्ने, सुन्ने, पढ्ने र लेख्ने सीप परीक्षण गर्दछ ।
पीटीई होम — यो परिवार, बसोबास, नागरिकता आवेदनका साथै खेलकुद र एक विदेशी व्यापार अनुप्रयोगहरूको प्रतिनिधि को लागी स्वीकारिएको दुई कौशल भाषा परीक्षण हो । यसले बोल्ने र सुन्ने दक्षताहरूको परीक्षण गर्दछ ।
पीटीई एकेडेमिक पीअर्सनमा सब भन्दा द्रुत बृद्धि हुने उत्पादनहरू मध्ये एक हो र यो कम्पनीको लागि एक रणनीतिक बृद्धि प्राथमिकता हो, गत बर्ष परीक्षण खण्डमा १७५ वृद्धि भएको थियो । परीक्षण सबै भिसा आवेदनहरूको लागि अष्ट्रेलिया र न्यूजील्याण्ड सरकारले पहिले नै स्वीकार गरिसकेका छन् । यो १००५ अष्ट्रेलिया, न्यूजील्याण्ड र आयरिश विश्वविद्यालयहरु र ९८५ बेलायत विश्वविद्यालयहरुद्वारा स्वीकार गरिसकेको छ ।
पिअर्सनका बारेमा
१. पिअर्सन विश्वको ७० वटा देशहरूमा २२,५०० भन्दा बढी कर्मचारीहरू सहित संचालित अग्रणी कम्पनी हो । हामी प्रशिक्षार्थीहरू, शैक्षिक संस्था, रोजगारदाता, सरकारहरू र विश्वव्यापी रूपमा अन्य साझेदारहरूलाई सामग्री,एसेसमेन्ट र डिजिटल सेवाहरू प्रदान गर्दछौं । हामी सिक्नेहरूलाई उनीहरूको रोजगार सम्भावना बढाउन र कामको विश्वमा सफल हुनको लागि आवश्यक सीपहरू प्रदान गर्न प्रतिबद्ध छौं । हामी विश्वास गर्छौं कि जहाँ सिकाई फक्रन्छ मानिसहरू पनि फक्रिन्छन् ।
२. थप जानकारीहरु यस वेवसाइटमा प्राप्त गर्न सकिन्छः https://pearsonpte.com/
३. पीटीई होम एक नयाँ, कम्प्युटरमा आधारित अङ्ग्रेजी परिक्षण हो जसल बेलायतमा बस्न, काम गर्न वा अध्ययन गर्न चाहने व्यक्ति, परिवार र समुदायमलाई आगमन देखि सेटलमेन्टसम्मको यात्रामा सहयोग गर्दछ । परिणाम सामान्यतया ४८ घण्टा भित्र उपलब्ध हुन्छ र परिणामका लागि लामो प्रतीक्षासँग सम्बन्धित तनावलाई कम गर्दछ ।
४. पियर्सन भीयूई दशकौंसम्म कम्प्युटरमा आधारित टेस्टिंग उद्योगमा अग्रणी रहेको छ, हरेक उद्योगमा शिक्षा र आईटी र स्वास्थ्य सेवामा प्रवेशबाट प्रति वर्ष १६ मिलियन भन्दा बढी प्रमाणीकरण र लाइसेन्स परीक्षा दिन्छन् । हामी लगभग २०,००० टेस्ट सेन्टरहरूका साथ विश्वको व्यापक नेटवर्कको माध्यमबाट १८० भन्दा बढी देशहरूमा अनलाइन परीक्षणको माध्यमबाट उच्च—स्टक परीक्षाहरू विकास र वितरण गर्ने ग्लोबल लिडर हौं । एसेसमेन्ट उद्योगमा हाम्रो अग्रणी नेतृत्व टेक्नोलोजी, फर्महरूदेखि सरकार र नियामक एजेन्सीहरू र ग्राहकहरूको बृहत दायरासँगको हाम्रो साझेदारीको परिणाम हो । थप जानकारीका लागि कृपया यस वेवसाइट https://home.pearsonvue.com/ हेर्नुहोला ।
५. पिअर्सन भीयूई स्थिति निगरानी गर्न जारी राख्दै सरकार र स्थानीय अधिकारीहरूको अनुरूप परीक्षण केन्द्र संचालन सम्बन्धी निर्णय लिन्छ । कृपया बारम्बार अपडेटहरूको लागि यस पृष्ठमा https://home.pearsonvue.com/coronavirus-update जानुहोस्
६. युके होम अफिसको वाणिज्य सम्झौताहरू अनुसार पिअर्सनले क) सेल्ट परीक्षणहरू प्रदान गर्नेछन् जो पहिले नै युकेमा रहेका छन्, ख) बाँकी विश्वको लागि सेल्ट परीक्षण ।
७. युके होम अफिस भिसा र आप्रवासन र अन्य परीक्षण प्रदायकहरू बारे थप जानकारीको लागि यहाँ क्लिक गर्नुहोस्
