सुजुकीको नेक्स जेन डिलरशीपमा स्मार्ट सिरोजेनिक्स |

काठमाडौं । नेपालका लागि सुजुकी चार पाङ्ग्रे सवारी साधनको आधिकारिक वितरक सिजी होल्डिङले नयाँ अवधारण ल्याएको छ । आफुले विक्रि गर्दै आएका सुजुकि व्राण्डका विभिन्न मोडलहरु मध्ये प्रिमियम सेगमेण्टका सवारी साधनहरुको विक्रि व्यवस्थापन गर्न सिजी नेक्स जेनको अवधारणा ल्याईएको हो । 

सोही अवधारणा अन्तर्गत ग्राहकहरुलाई विश्व स्तरिया सेवा सुविधा तथा अनुभव प्रदान गर्ने उद्येश्यका साथ नक्साल काठमाडौंमा कम्पनीको आधिकारिक डिलरको रुपमा स्मार्ट सिरोजेनिक्सलाई नियुक्त गरेको छ । सवारी साधन खरिदकर्ता ग्राहकलाई सवारी साधनको खरिद प्रति उच्च एवं स्मरणीय अनुभव प्रदान गर्नु नै सिजी नेक्स जेन च्यानलको बेन्चमार्क पनि हो । 

ग्राहकहरुलाई सहज र झन्झट मुक्त अनुभव प्रदान गर्न नयाँ सोरुम डिजाईन गरिएको हो । सिजी नेक्स जेन मार्फत सुजुकी व्राण्डका प्रिमियम गाडीहरु उपलब्ध हुनेछन भने ग्राहकवर्गहरुले गाडी खरिद गर्दाको अनुभव फरक र उच्चस्तरीय भएको पाउनुहुनेछ । यहि बिश्वासको साथ नक्साल स्थित स्टेट अफ द आर्ट शोरुमबाट ग्राहकहरुले सुजुकीको Grand Vitara, Scross, Ertiga, XL6, Dzire, Ignis, Baleno जस्ता प्रिमियम गाडीहरु  खरिद गर्नु सक्नेछन् ।  

शोरुममा टेस्ट राइड, एक्सचेन्ज र फाइनान्सका सुबिधा एउटै छानाबाट उपलब्ध गराईनेछ ।  नक्साल स्थित स्मार्ट सिरोजेनिक्स शोरूमको उद्घाटन सिजी  होल्डिङका अध्यक्ष तथा  प्रबन्ध निर्देशक अरुण कुमार चौधरी र शिरोहिया ग्रुपका अध्यक्ष गोपाल प्रसाद शिरोहियाले संयुक्त रुपमा गरेका थिए ।