एलजीले ‘Essential Series’ घरेलु उपकरणसहित ‘हरेक घरको खुशी, घर-घरमा LG’ अभियान देशका प्रमुख शहरहरूमा विस्तार गर्दै
काठमाडौं । काठमाडौंमा सम्पन्न राष्ट्रिय शुभारम्भपछि LG ले आफ्नो ‘हरेक घरको खुशी, घर-घरमा LG’ अभियानलाई देशव्यापी रूपमा विस्तार गर्ने भएको छ। यसअन्तर्गत इटहरी (१५ असार), नारायणघाट (१७ असार), पोखरा (१९ असार), बुटवल (२१ असार) र नेपालगञ्ज (२३ असार) मा विशेष कार्यक्रम आयोजना गरिनेछ। यी कार्यक्रममार्फत स्थानीय उपभोक्ताले LG Essential Series का उत्पादनहरू प्रत्यक्ष अनुभव गर्ने, तिनका विशेषताबारे जानकारी प्राप्त गर्ने तथा आफ्ना आवश्यकता अनुरूप उपयुक्त समाधान छनोट गर्ने अवसर पाउनेछन्।
LG Electronics Singapore Pte. Ltd. (LG) ले आफ्नो आधिकारिक वितरक CG Electronics सँगको सहकार्यमा नेपाली उपभोक्ताहरूको आवश्यकता र जीवनशैलीलाई केन्द्रमा राखी विकास गरिएको नयाँ घरेलु उपकरण श्रृंखला LG Essential Series सार्वजनिक गरेको छ। काठमाडौंस्थित विवान्ता होटलमा आयोजित विशेष कार्यक्रममा उक्त श्रृंखलाको औपचारिक अनावरण गरिएको हो।
“हरेक घरको खुशी, घर-घरमा LG” अभियानअन्तर्गत सार्वजनिक गरिएको Essential Series ले आधुनिक प्रविधि, उत्कृष्ट कार्यसम्पादन, टिकाउपन तथा किफायती मूल्यलाई एकैसाथ समेटेको छ। नेपाली परिवारहरूको दैनिक आवश्यकता तथा स्थानीय परिस्थितिलाई ध्यानमा राखेर डिजाइन गरिएका यी उत्पादनहरूले गुणस्तरीय जीवनशैलीलाई अझ सहज बनाउने LG को विश्वास रहेको छ।
नयाँ श्रृंखलामा नेपाली बजारका लागि विशेष रूपमा डिजाइन गरिएका डबल-डोर रेफ्रिजेरेटर, फुल्ली अटोमेटिक टप-लोड वासिङ मेसिन तथा रूम एयर कन्डिसनर समावेश छन्।
नेपाली घरपरिवारका लागि विशेष रूपमा विकसित उत्पादनहरू
LG Essential Series Double-Door Refrigerator
Frost-Free Technology सहितको यस रेफ्रिजेरेटरले म्यानुअल डिफ्रोस्टिङको आवश्यकता हटाउँछ। Smart Mode सुविधाले मौसमअनुसार स्वचालित रूपमा चिस्यान नियन्त्रण गर्छ भने अघिल्ला मोडेलहरूको तुलनामा २० प्रतिशत ठूलो तरकारी भण्डारण क्षमताले नेपाली परिवारहरूको आवश्यकतालाई प्रभावकारी रूपमा सम्बोधन गर्छ।
LG Essential Series Fully Automatic Top-Load Washing Machine
नेपालका विविध वातावरणीय अवस्थालाई ध्यानमा राखेर निर्माण गरिएको यस वासिङ मेसिनमा ProShield Motor, BMC Cover तथा IPX4 प्रमाणित Water-Resistant Control Panel जस्ता सुविधाहरू समावेश छन्। साथै Low-Pressure Fill Technology ले कम पानीको चापमा पनि प्रभावकारी धुलाई सुनिश्चित गर्छ।
LG Essential Series Room Air Conditioner
ऊर्जा-दक्ष प्रविधिसहितको यस एयर कन्डिसनरले प्रभावकारी Cooling तथा Heating सुविधा प्रदान गर्दछ। परम्परागत Non-Inverter Air Conditioner को तुलनामा कम विद्युत् खपत गर्ने यस उत्पादनमा वातावरणमैत्री R32 Refrigerant प्रयोग गरिएको छ। साथै न्यून ध्वनि सञ्चालनले प्रयोगकर्तालाई थप आरामदायी अनुभव प्रदान गर्छ।
LG Essential Series को बिक्री वितरण नेपालभर जुन २०२६ देखि सुरु हुने कम्पनीले जनाएको छ। प्रारम्भिक मोडेलहरूको मूल्य करिब रु. ४९,६९० बाट सुरु हुनेछ। उत्पादनहरू देशभरका आधिकारिक LG Brand Shop, Multi-Brand Retail Outlet तथा प्रमुख E-commerce Platform मार्फत उपलब्ध हुनेछन्।
