नबिल बैंकलाई पहिलोपल्ट अविमोच्य असञ्चिति अग्राधिकार शेयर निष्कासन अनुमति
काठमाडौं । नबिल बैंक लिमिटेडले अविमोच्य असञ्चिति अग्राधिकार सेयर निष्कासनको अनुमति पाएको छ । नेपाल धितोपत्र बोर्डले बैंकलाई ‘८ प्रतिशत नबिल अविमोच्य असञ्चिति अग्राधिकार’ निष्कासन गर्न स्वीकृति दिएको हो ।
बैंकले प्रति कित्ता एक सय रुपैयाँ दरका पाँच करोड कित्ता शेयर निष्कासन गर्ने अनुमति पाएको छ। बैंकले उक्त शेयर निष्कासनको लागि यस अघि नै बिक्रि प्रबन्धकमा एनआईसी एसिया क्यापिटललाई नियुक्त गरिसकेको छ।
बैंकले निष्कासन गरेको उक्त शेयर आम सर्वसाधारणले खरिद गर्न पाउने छैनन्। यसैगरी धितोपत्र बोर्डबाट अनुमति पाएका संस्थाले पनि उक्त शेयरमा आवेदन दिन पाउने छैनन्। संस्थागत लगानीकर्ताले मात्रै उक्त शेयरमा आवेदन दिन पाउँछन् ।
