असोज ९ देखि नेपाल एयरलाइन्सले चीनको ग्वाङझाउमा उडान गर्ने
काठमाडौं । नेपाल एयरलाइन्सले चीनको ग्वाङझाउमा उडान गर्ने भएको छ ।
राष्ट्रिय ध्वजाबाहक नेपाल एयरलाइन्सले काठमाडौं–ग्वाङझाउ–काठमाडौं रुटमा उडान गर्ने असोज ९ गतेदेखि उडान गर्ने भएको हो ।
यस रुटमा नेपाल एयरलाइन्सले प्रवर्द्धन उडान गर्ने गरी उडान तय गरेको कम्पनीको भनाइ छ । यस रुटमा अहिले चिनियाँ वायुसेवा कम्पनी चाइना साउदर्नले समेत नियमित उडान गरिरहेको छ ।
काठमाडौं–चीन रुटमा हिमालय एयरलाइन्सले नियमित उडान गरिरहेको छ । नेपाल एयरलाइन्सको यो पहिलो नियमित उडान हुनेछ ।
