स्ट्रिम ट्राभल सर्भिसेजलाई जनरल सेल्स एजेन्ट नियुक्त गर्दै भर्टेल टेक्नोलोजिजको नेपालमा विस्तार

काठमाडौँ । एयरलाइन वितरण तथा खुद्रा बिक्री (Retailing) सम्बन्धी New Distribution Capability (NDC) आधारित समाधानहरू प्रदान गर्ने विश्वव्यापी ट्राभल टेक्नोलोजी कम्पनी Verteil Technologies ले आफ्नो नियुक्त जनरल सेल्स एजेन्ट (GSA) Stream Travel Services मार्फत नेपालमा औपचारिक रूपमा आफ्नो सेवा प्रारम्भ गरेको घोषणा गरेको छ।

यस अवसरमा २ जुन २०२६ मा द सोल्टी काठमाडौं मा आयोजित विशेष उद्योगगत कार्यक्रममा ५० भन्दा बढी अग्रणी ट्राभल एजेन्सीहरू तथा पर्यटन तथा उड्डयन क्षेत्रका प्रतिनिधिहरूको सहभागिता रहेको थियो। उक्त कार्यक्रमले नेपालमा आधुनिक एयरलाइन वितरण तथा रिटेलिङ समाधानप्रति बढ्दो बजार रुचि र सम्भावनालाई उजागर गरेको थियो।

नेपालका लागि भर्टेलको जनरल सेल्स एजेन्ट का रूपमा स्ट्रिम ट्राभल सर्भिसेजले कम्पनीको उन्नत वितरण प्लेटफर्मको स्थानीय कार्यान्वयन तथा प्रवर्द्धनमा सहयोग गर्नेछ। यसमार्फत ट्राभल एजेन्सीहरूले एयरलाइन साझेदारहरूसँगको प्रत्यक्ष कनेक्टिभिटीमार्फत समृद्ध एयरलाइन सामग्री (Content), प्रतिस्पर्धात्मक भाडादर, अतिरिक्त सेवाहरू (Ancillary Services) तथा सहज बुकिङ प्रक्रियामा पहुँच प्राप्त गर्नेछन्।

कार्यक्रममा भर्टेलको टोलीले आफ्नो B2B प्लेटफर्म सम्बन्धी विस्तृत प्रस्तुति तथा प्रत्यक्ष प्रदर्शन (Live Demonstration) गरेको थियो। उक्त सत्रमा भर्टेलको NDC क्षमताहरू तथा आधुनिक एयरलाइन रिटेलिङ उपकरणहरूको प्रयोगबाट एजेन्सीहरूले कसरी सामग्रीमा सहज पहुँच, बुकिङ कार्यक्षमता तथा ग्राहक अनुभवमा सुधार गर्न सक्छन् भन्ने विषयमा जानकारी प्रदान गरिएको थियो।

भर्टेल टेक्नोलोजिजका संस्थापक तथा प्रमुख कार्यकारी अधिकृत (CEO) जेरिन जोस ले भन्नुभयो: "नेपालमा आफ्नो उपस्थितिलाई विस्तार गर्न र यहाँको ट्राभल इकोसिस्टमको विकासमा योगदान दिन पाउँदा हामी उत्साहित छौं। स्ट्रिम ट्राभल सर्भिसेजसँगको साझेदारीमार्फत हामी नेपालका ट्राभल एजेन्सीहरूलाई
आधुनिक एयरलाइन वितरण प्रविधिसँग सशक्त बनाउनेछौं, जसले अझ समृद्ध सामग्री, बढी रिटेलिङ लचकता तथा उत्कृष्ट ग्राहक बुकिङ अनुभव प्रदान गर्नेछ।

स्ट्रिम ट्राभल सर्भिसेजका कार्यकारी निर्देशक आशिष के. सेनगुप्ता ले भन्नुभयो: "नेपालमा भर्टेल टेक्नोलोजिजको जनरल सेल्स एजेन्टका रूपमा नियुक्त हुन पाउँदा हामी गौरवान्वित छौं। यस सहकार्यले नेपाली बजारमा उन्नत वितरण प्रविधि भित्र्याउनेछ र ट्राभल विक्रेताहरूलाई विश्वका अग्रणी एयरलाइन्सहरूको NDC सामग्रीमा प्रत्यक्ष पहुँच प्रदान गर्नेछ। हामी स्थानीय विशेषज्ञता र सेवामार्फत ट्राभल एजेन्सीहरूलाई यी आधुनिक क्षमताहरू अपनाउन तथा उनीहरूको व्यवसायिक विकासमा सहयोग गर्न प्रतिबद्ध
छौं।

नेपालमा भर्टेल टेक्नोलोजिजको आगमनले देशको एयरलाइन वितरण क्षमतालाई थप सुदृढ बनाउने तथा अन्तर्राष्ट्रिय एयरलाइन्सहरूको NDC सामग्रीमा ट्राभल एजेन्सीहरूको पहुँच विस्तार गरी नेपालको ट्राभल रिटेलिङ इकोसिस्टमलाई अझ सशक्त बनाउने अपेक्षा गरिएको छ।