अब हकभन्दा बढी हकप्रद सेयरमा पनि आवेदन दिन पाईने

अब हकभन्दा बढी हकप्रद सेयरमा पनि आवेदन दिन पाईने
काठमाडौं । अब कुनै कम्पनीका सेयरधनीले हकप्रदमा आवेदन दिँदा आफ्नो हकभन्दा धेरै सेयरका लागि पनि आवेदन दिन पाउने भएका छन् । नेपाल धितोपत्र बोर्डले आर्थिक बर्ष २०७६∕७७ को नीति तथा कार्यक्रम सार्वजनिक गर्दै उक्त सुविधा दिने जानकारी दिएको हो । 
 
हालसम्म कुनै संस्थाको हकप्रद सेयर निश्काशनमा लगानीकर्ताहरुले आफ्नो हकसम्मको मात्रै आवेदन दिन पाउने व्यवस्था रहेको थियो । जसले गर्दा कम्पनीले सार्वजनिक गरेको हकप्रद सेयर बिक्री कमै मात्रामा हुने र पछि त्यसको लिलामी गर्नुपर्ने बाध्यता रहन्थ्यो । तर बोर्डले आफ्नो नीति तथा कार्यक्रममा उक्त नयाँ व्यबस्था गरेसँगै कम्पनीले सार्वजनिक गर्ने हकप्रद सकेसम्म बढी बिक्री हुने सम्भावना बढेको छ ।
 
सेयरधनीले आफ्नो हकको हकप्रदमा मात्रै आवेदन दिँदा हकप्रद कमै मात्रामा विक्री हुने गरेको थियो । यस्तै हकप्रदमा आवेदन दिँदा कतिपय सेयरधनीले विर्सेर या जानीजानी पनि आवेदन नदिने गरेका थिए । तर, बोर्डको उक्त व्यवस्था अनुसार हकप्रदमा खुलाईएको भन्दा बढि आवेदन पर्ने सम्भावना बढेको छ । 
 
No comment yet. Be the first one to comment.
ताजा अपडेट
लोकप्रिय